दाङमा ३० जना दलित समुदायका व्यक्ति आधिकारिक रुपमै बने बाहुन !

दाङ । दाङमा ३० जना दलित समुदायका व्यक्तिहरू आधिकारिक रुपमै बाहुन बनेका छन् । उनीहरूले आफ्नो थर परिवर्तन गरेर नागरिकता लिएपछि आधिकारिक रुपमै बाहुन बनेका हुन् । जिल्ला प्रशासन कार्यालय दाङले वडाको सिफारिस लिएर आउने ३० जनालाई थर परिवर्तन गरेर नागरिकता दिएको हो ।

दलित आयोगले देशभरका स्थानीय तह र जिल्ला प्रशासन कार्यालयलाई गृहमन्त्रालयबाट थर परिवर्तन गरेर दलित समुदायका व्यक्तिहरूलाई नागरिकता दिन निर्देशन दिएको थियो । सोही निर्देशनअनुसार दाङको घोराही, तुलसीपुरसहित १० स्थानीय तहको सिफारिसमा जिल्ला प्रशासन कार्यालय दाङबाट पछिल्लो एक महिनामा ३० जनाले नागरिकता लिएका हुन् ।

दाङमा रामबहादुर कुरुम्बाङ प्रजिअको रूपमा आएपछि उनको कार्यकालमा धेरै थर संसोधन गरेर नागरिकता लिनेक्रम बढेको छ । जातीय विभेद हटाउनुका साथै भविष्यमा आरक्षण कोटा हटाउन सहयोग पुर्‍याउन थर परिवर्तन गरेर आउनेलाई नागरिकता दिइएको दाङ प्रशासनले जनाएको छ । दलित समुदायका व्यक्तिहरूले थर परिवर्तन गरेर नागरिकतामा बस्याल, गौतम, अधिकारी लेखाएका छन् ।

Facebook Comments