मोतिलाल दुगड प्रधानमन्त्रीको विशेष आर्थिक सल्लाहकारमा नियुक्त

काठमाडौं । सरकारले पूर्वराज्यमन्त्री मोतिलाल दुगडलाई प्रधानमन्त्री केपी शर्मा ओलीको विशेष आर्थिक सल्लाहकारमा  नियुक्त गरेको छ ।

उद्योग, वाणिज्य तथा आपूर्ति राज्यमन्त्री रहेका दुगड संसद विघटन भएपछि भएको मन्त्रिपरिषद हेरफेरमा बहिर्गमनमा परेका थिए। प्रधानमन्त्री ओलीले पूर्वअर्थमन्त्री डा. युवराज खतिवडाको स्थानमा दुगडलाई विशेष आर्थिक सल्लाहकार बनाएका छन् ।

डा. खतिवडा अमेरिकाका लागि नेपालको राजदूत नियुक्त भएका छन् । उनी अमेरिका जाने भएसँगै दुगडलाई मन्त्रीसहरको सुविधा दिएर विशेष आर्थिक सल्लाहकार बनाइएको हो ।

तत्कालीन नेकपा एमालेको तर्फबाट समानुपातिकबाट प्रतिनिधि सभामा सांसद भएका दुगडलाई ओलीले नै उद्योग राज्यमन्त्री बनाएका थिए।