संविधानमाथिकाे प्रहारले देश स्तब्ध छ, यस्ताे बेला हाँस्न सक्दैनाैं : प्रचण्ड

काठमाडौं । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले उपलब्धिमाथि प्रहार भएका बेलामा हाँस्न नसक्ने बताएका छन् ।

काठमाडौंको बुद्धनगरमा आयोजित राष्ट्रिय युवा संघको बैठकलाई सम्बोधन गर्दै प्रचण्डले संसद् विघटन गर्ने निर्णयले संविधानकै हत्या भएको भन्दै प्राप्त उपलब्धिमाथि प्रहार गरी हत्या गरेकाे बेलामा हाँस्न नसक्ने बताए ।

प्रधानमन्त्रीसमेत रहेका नेकपा अध्यक्ष ओलीले शनिबार आफूले जनता हसाँएकामा आपत्ति जनाएको भन्दै र आफू मान्छे मार्दै, विधुवा बनाउन जान नसक्ने भन्दै कटाक्ष गरेका थिए । त्यसको जवाफ दिँदै प्रचण्डले उपलब्धिमाथि प्रहार भएका बेलामा आफूहरु हाँस्न नसक्ने बताए ।

“उहाँले जनतालाई हसाउँनु भएकामा मलाई पीर पर्नेभन्दा पनि नेपाली जनताले सात दशक लडेर ल्याएको उपलब्धिको हत्या भएको छ । हामी मातङ मनाएका छौं । हामी झन्डै-झन्डै बा-आमा मरेपछि चिन्ता हुन्छ परिवारका सबैलाई । त्यो बेलामा हामी हाँस्न सक्दैनौं । हामी कमिक गर्न सक्दैनौं । तपाई त्यस्तो मान्छे हुनुहुँदो रहेछ,’’ उनले भने ।

प्रचण्डले संविधानमाथि प्रहार देश स्तब्ध भएको आफूहरु हाँस्न नसक्ने बताए । उनले ओलीलाई कमिक गर्ने स्वतन्त्रता रहेको पनि बताए ।